As almal ver is

Play

As almal ver is
Word die hart skielik oud
As die wêreld ‘n ster is
Afsydig en koud
Smee die gordyne
‘n Komplot teen die lig
Krimp die kosyne
En deure sluit dig

Refrein:
As almal ver is, vind jy jouself
Waar jy in laaie, in stil hartkamers delf
As almal ver is, vind jy jou siel -
Weerloos, en eensaam, soos ’n vrou voor ‘n spieël

As daar geeneen is,
Sit jy als op die skaal
Want jy weet, wat geleen is,
Word eindelik gehaal.
Dan kom die waarheid
En besweer elke leuen
Skenk jou weer klaarheid -
En laat jou alleen

Refrein

Woorde en Musiek: Koos du Plessis
Uitgewer: Incline House