Optredes

Kliek gerus hier om Laurika te bespreek vir 'n vertoning.

Datum Optrede Beskrywing Bespreek by
2018-01-26/27
Laurika Rauch met Loki Rothman by die Oude Libertas Amfiteater, Stellenbosch

Datums: 26 en 27 Januarie 2018. Laurika en Loki is terug in Stellenbosch op publieke aanvraag, nadat hulle eerste vertoning ooit, verlede jaar opslae by die Woordfees gemaak het! Tyd: 20h15. Kaartjies is by Computicket sowel as by die kaartjieskantoor by die teater. Kantoorure : weeksdae 9h00-17h00 , Saterdae ogg 9h00-13h00 . Sowel as voor die vertoning. Kaartjieskantoor: Ingrid Blumer of Michelle Saldannah. 021 8097380 / 0218097473. Theatre@oudelibertas.co.za

2018-02-17
Laurika Rauch en Clinton Waring in konsert: Atterburyteater, Pretoria

17 Februarie 2018: Laurika Rauch en Clinton Waring werk reeds bykans 17 jaar saam. Met so ‘n lang vennootskap verstaan kunstenaars mekaar so fyn dat wedersydse respek en begrip ‘n ekstra bestanddeel tot elke optrede voeg. Gehore sal Clinton Waring veral onthou as die sanger en pianis wat daardie legendariese duet van ‘Stille Waters’ (Blue skies) saam met Laurika opgeneem het. Hierdie sal hulle eerste solo-vertoning in die Atterburyteater (sedert die teater se bestaan) wees, wat dit ‘n besonderse geleentheid op sigself maak. Laurika en Clinton tree op ten bate van die Whispers speech and hearing centre.
17 Februarie 2018. Tyd : 20h00. Kaartjies is by Computicket

2018-03-02
Coetzenburg Stadion Stellenbosch: Woordfees Eufeeskonsert

Laurika tree saam met verskeie ander kunstenaars by hierdie spesiale konsert ter viering van die 100jarige bestaan van die US op.

2018-03-05/06
Digby my hart: Laurika Rauch in die Stadsaal, Stellenbosch Woordfees

In die laat sewentigs het Laurika, met die koms van televisie, in opdrag, die geleentheid gehad om vir verskeie verhoog- en televisieprogramme, gedigte van haar keuse te toonset.
Van haar toonsettings is reeds opgeneem op CD, soos Ingrid Jonker se ‘Toemaar die donker man’; ‘Boerneef se ‘Nalekokers’ en ‘Niks hang so rooi soos wingerdblaar by Hexrivier’; toonsettings van Hennie Aucamp-lirieke – en nog baie meer. Mettertyd het van haar minder bekende toonsettings in ‘n laai beland en toe Saartjie Botha van die ontontginde materiaal te hore kom, het sy gevra dat Laurika ‘n program saamstel wat uit baie van haar eie, maar ook ander komponiste (soos Laurinda Hofmeyr, Clarabelle van Niekerk en Chris Torr) se toonsettings sal bestaan.
‘Digby my hart’ het uit hierdie opdrag voortgevloei – ‘n versameling getoonsette gedigte van – ondermeer – Wilhelm Knobel en Marlise Joubert – tot by die digterlike lirieke van Chris Barnard.
Laurika is by uitstek ‘n vertolker, en hierdie vertoning gun haar en die gehoor die kans om, vir n uur of wat, in die uitnemende geselskap van die werk van verskeie van ons digters te verkeer.
Sy word op die klavier begelei deur die gerespekteerde Bloemfonteinse komponis/verwerker/pianis en begeleier, Anton Estherhuyse.
Datums en Tye: 5 Maart 20h00 en 6 Maart: 16h00. Kaartjies is by Computicket

2018-03-16/17
AFRIKAANS IS GROOT, BY GRAND WEST ARENA, KAAPSTAD

Hierdie suksesvolle en gewilde jaarlikse produksie met verskeie van ons land se top kunstenaars word vanaf die Times Square Arena in Pretoria ingevoer na die Kaap vir slegs 3 vertonings. Tye: 16 Maart 19h30; 17 Maart 13h00 en 19h30. Besprekings is by Computicket

2018-03-24
TYDLOSE TREFFERS SAAM MET LAURIKA RAUCH, SECUNDA

Laurika tree op saam met Clinton Waring op klavier. Die geleentheid is by Die Ark, Rondekerk. Tyd: 17h30 vir 18h00. Kaartjies sluit ‘n gekookte ete (voorberei deur Symphony’s Café) en wyn op die tafel in (kontantkroeg beskikbaar, gaste mag eie wyn bring). Besprekings by Paul 0793589035/ bemarking@hs-sec.co.za